December 06, 2014
Saturday of the First Week of Advent
Gospel Mt 9:35 – 10:1, 5A, 6-8
Alivio
Cuando ya principia si Jesus el di suyu servicio na publico, ya mobe con lastima di Suyu corazon con el maga abandonao hente. Estos maga hente que sobra el maga sufrimiento, maga taemprenta diferente maga problema aquel tiempo. Ya roga Ele cay ay tiene manada maga hente que ay responde con el maga necesidad di ila por medio del dalida del di ila precioso hora para ayuda alivia el vida de estos maga hente abandonao.
Na di atun tiempo, este mandato si Hesus direktamente ta ase akorda canaton para nomas olvida con aquellos mga hente que hasta ta roga que ay tiene maga buen samaritano que alivia di ila vida. Si ya puede dale cura si Jesus con aquellos maga ta sufri na di Suyu tiempo cuando presente ele na di atun mundo, hende qiuta debe que olvida cay el di atun vida como maga cristiano debe responde na mga gritos y llantos del di atun abandonao hermana y hermano.
Na todo maga preparacion di atun na este tiempo de pascua, cosa maga cura gaha quita ay puede dale na di atun maga visinos? Cosa cura gaha quita ay puede contribuhi para poco man o menos, ay puede sinti el maga el di atun maga hermano y hermana?Como maga cristiano y por medio na gracia y amor di Hesus, con todo di atun umilde ezpuerzo, ohala todo maga empermo que ta experiencia maga klase-klase de empermedad na di atun comunidad ay quede librao na dolor y sufrimiento.
Perry Ian T. Dela Cruz
Deparmento de Pilosopiya, Escuele de Artes Liberal
